Vendet e NATO-s kanë nisur një operacion të ri që synon rritjen e mbikëqyrjes dhe shfaqjen e një pranie më të fortë në Detin Baltik. Shkak është shtimi i rasteve të dëmtimeve të infrastrukturës nënujore në rajon.
https://p.dw.com/p/4q97W
Anije luftarake për rritjen e mbikëqyrjes dhe shfaqjen e një pranie më të fortë në Detin Baltik.
NATO ka nisur një operacion të ri që synon rritjen e mbikëqyrjes dhe shfaqjen e një pranie më të fortë në Detin Baltik.Fotografi: DW
Reklamë
Shtetet anëtare të NATO-s po marrin pjesë në një mision të ri, i cili ka qëllim të rrisë mbikëqyrjen dhe të shfaqë një prani më të fortë në Detin Baltik.
Anija ushtarake gjermane “Roja e Baltikut” me ekuipazhin e saj prej 60 vetësh do të patrullojë në Detin Baltik gjatë 8 javëve të ardhshme.
Që prej vitit 2023 infrastruktura nënujore në rajon, si ajo e telekomunikacionit, elektricitetit dhe linjat e karburantit në Detin Baltik janë “ndërprerë”. Në shumicën e rasteve kryesisht nga anije tregtare që vinin nga Rusia.
Norvegji Tromsø 2025 | Anija Silver Dania dyshohet se është përdorur për vepra sabotazhi në Detin BaltikNorvegji Tromsø 2025 | Anija Silver Dania dyshohet se është përdorur për vepra sabotazhi në Detin Baltik
Anija Silver Dania dyshohet se është përdorur për vepra sabotazhi në Detin BaltikFotografi: Rune Stoltz Bertinussen/AP Photo/picture alliance
Nuk është ende e qartë nëse këto kanë qenë veprime të qëllimshme sabotazhi apo kanë ardhur si pasojë e neglizhencës. Por vendet e NATO-s duan ta mbikëqyrin më shumë rajonin.
Incidente të ripërsëritura
“Nuk mund të them se situata është jashtëzakonisht e tensionuar. Por ne kemi vërejtur edhe në kontekste të tjera se aftësia e NAT0-s për të reaguar dhe siguria e rrugëve detare në Detin Baltik janë në rrezik.” – thotë Marc T. Tippner, komandant i anijes.
Sipas tij ka incidente të ripërsëritura, autorësia e të cilave nuk është krejt e qartë.
Shtetet e NATO-s mendojnë se një prani më e fortë në rajon mund të ndihmojë për parandalimin e incidenteve të tjera./Giulia Saudelli/dw/xlpress.tv/
