Një fushatë me dinjitet dhe përkushtim po zhvillon gjithandej në takimet me qytetarë Ramadush Emini

.

I veshur me petkun elegant, me përvojë dhe saktësi zvicerane, në takime, qoftë me mërgimtarë apo bashkëkombës në Viti, Anamoravë dhe qytete të tjera të Kosovës, Ramadushi, i edukuar dhe i ngrohtë, me dorë në zemër si të parët në odat e traditës, thotë:
“Kosovën e dua me zemër. Unë jam vetëm një ofertë për të forcuar rrënjët e mërgimtarëve me Parlamentin e Kosovës.”

Nga ana tjetër, mërgimtarë të shumtë kanë trokitur në zyrat e afaristit të suksesshëm në Zvicër, ndërsa shumë të tjerë kanë vendosur të jenë pjesë e festës së demokracisë më 9 shkurt në Prishtinë, në ditën e votimit!
“Të lumtë Dushi! Je duke bërë punë fantastike”, i ka shkruar Alban Zogajt, pasi Ramadushi Emini, ishte Nikoqir i Akademisë Përkujtimore kushtuar Presidentit Dr. Ibrahim Rugova, në Degën e LDK-së në Zvicër.

“Kam shtrënguar duart me Kryetarin Lumir Abdixhiku, kemi shtrënguar krahët me Kryetarin Sokol Haliti, dhe pothuajse të gjithë pretendentët e LDK-së e pranojnë që ka ardhur koha të kemi përfaqësues të mërgatës në Parlamentin e Kosovës, pasi kjo është një lidhje që mban gjallë mërgatën,” thotë Ramadushi, i bindur se ndryshimi më së miri do të shihet nga votat e mërgimtarëve në botë.

“Mërgimtarët i janë kthyer LDK-së, si në kohën e madhe të Presidentit Rugova,” shpreh bindjen Ramadushi!