Shqipe Mehmeti Selimi – KANDIDATE PËR DEPUTETE PJESË E LISTËS FITUESE ME NUMËR 10
Shqipe Mehmeti Selimi është e lindur në Gjilan, është nënë e dy fëmijëve dhe jeton në Prishtinë.
Studimet e nivelit bazike dhe ato Master i ka të përfunduara në drejtimin Menaxhment dhe Informatikë, flet rrjedhshëm gjuhën angleze dhe gjermane.
Është anëtare e Lëvizjes VETËVENDOSJE! Ajo ka zhvilluar aktivitetin e saj politik përbrenda Lëvizjes në kuadër të pikës së Bregut të Diellit në Prishtinë. Prej vitesh është anëtare e Komitetit për Mbrojtje dhe Siguri në kuadër të Lëvizjes VETËVENDOSJE!
Ishte pjestare e Ushtrisë Çlirimtare të Kosovës, gjatë vitit 1998 ishte e vendosur në Zonën Operative të Drenicës, ndërkaq, gjatë vitit 1999 ajo luftoi në Zonën Operative të Karadakut. Më vonë ajo shërbeu si pjesëtare e Trupave Mbrojtëse të Kosovës, në Zonën e VI Mbrojtëse gjatë viteve 2000-2009, ku mbante pozitën e Oficerës në Qendrën Operative të Zonës së VI. Në Akademinë e Mbrojtjes të Kosovës në Komandën e Trajnimit dhe Doktrinës, ajo shërbeu si Oficere në Qendrën Simulative. Gjatë shërbimit në TMK, Shqipja mbante gradën ushtarake Kapiten.
Deputete ne Legjilaturen e VIII te Kuvendit te Republikes se Kosoves 2021-2025,
Antare e Komisionit per Ceshtje te Sigurise dhe Mbrotjes.
Shqipja beson fuqishëm në promovimin dhe mbrojtjen e vlerave kombëtare. Ajo kandidon për herë të dyte për deputete në listën e Lëvizjes VETËVENDOSJE!
