Gjermania me numër rekord banorësh! 83.6 milionë!
Gjermania me numër rekord banorësh! 83.6 milionë!
Rritja nuk ka ardhur nga lindjet, por nga emigrantët. Megjithatë numri i vdekjeve ende e tejkalon numrin e lindjeve. Shifra 84 milionë e vitit 2022 u korrigjua…
Në fund të vitit 2024, në Gjermani jetonin gati 83.6 milionë njerëz – më shumë se kurrë më parë. Krahasuar me vitin e kaluar, popullsia u rrit me 121,000 njerëz, ose me 0.1 përqind, sipas njoftimit për shtyp të Zyrës Statistikore gjermane Destatis. Megjithatë, rritja u ngadalësua, sepse një vit më parë ajo arriti në 338,000 njerëz të tjerë, ose 0.4 përqind.
Edhe pse një shifër prej rreth 84 milionë banorësh ishte publikuar tashmë në vitin 2022, regjistrimi i popullsisë i të njëjtit vit – një anketë e madhe statistikore që përfshin numrin e banorëve – tregoi se vlerësimi i mëparshëm ishte tepër i lartë. Pastaj numri i banorëve u korrigjua në 82.7 milionë. Zyra Statistikore gjermane llogarit popullsinë në bazë të të dhënave zyrtare mbi lindjet dhe vdekjet.
Ende shumë më tepër të vdekur sesa foshnje: Të dhënat e përkohshme mund të shërbejnë si orientim, megjithëse korrigjimet janë ende të mundshme. Sipas këtyre shifrave të përkohshme, do të ketë një shifër më shumë të vdekjeve prej 330,000 vdekjeve në vitin 2024, afërsisht i njëjtë me vitin e kaluar. Llogaritja përfshin gjithashtu të ashtuquajturin bilanc migrimi – diferencën midis personave që kanë ardhur por edhe kanë ikur nga Gjermania. Sipas të dhënave të përkohshme, ky bilanc ra nga 660,000 në 420,000 në vitin 2024. Sipas vlerësimit të Zyrës Statistikore, rritja e numrit të banorëve – si në vitin e kaluar – është për shkak të faktit se më shumë njerëz erdhën sesa u larguan.
Në landet perëndimore numri i banorëve u rrit me 0.2 përqind, ndërsa në landet lindore (duke përjashtuar Berlinin) numri ka rënë me 0.3 përqind. Rritja absolute më e madhe e banorëve u regjistrua në Bavari – 73,000 njerëz më shumë. Rritje e madhe u regjistrua edhe në Berlin dhe Hamburg me nga 0.6 përqind.
Lexo artikullin të plotë: https://www.dw.com/sq/gjermani-num%C3%ABr-rekord-banor%C3%ABsh/a-73194989
