Plani i Netanyahut për të pushtuar të gjithë Gazën, reagon Trump: Ia lëmë në dorë Izraelit
Presidenti i SHBA-së, Donald Trump, refuzoi të komentojë kur u pyet nëse ishte pro apo kundër operacionit të pritur të ushtrisë izraelite për të pushtuar “të gjithë” Rripin e Gazës , duke thënë se administrata e tij aktualisht është e përqendruar në rritjen e aksesit në ushqim në enklavën palestineze nën rrethim dhe sulm nga aleati më i ngushtë i SHBA-së në Lindjen e Mesme.
“Sa për pjesën tjetër, nuk mund ta them me siguri. Kryesisht varet nga Izraeli”, u tha dje Trump gazetarëve.
Mediat izraelite raportuan më parë se kryeministri izraelit, Benjamin Netanyahu, kishte urdhëruar që i gjithë Rripi i Gazës të pushtohej nga ushtria e tij gjatë një takimi me zyrtarët më të lartë të sigurisë.
I pyetur për një video të publikuar nga Hamasi javën e kaluar që tregonte një peng izraelit duke u copëtuar, Trump e quajti atë “të tmerrshme”.
“E pashë, ishte e tmerrshme, shpresoj që shumë njerëz ta shohin … sepse mendoj se është një gjë e tmerrshme”, këmbënguli republikani.
