Festimet dhe aktivitetet kryesore janë organizuar në Tiranë dhe Elbasan, ku në kryeqytet janë organizuar koncerte, panaire, ekspozita dhe aktivitete zbavitëse për fëmijët.
Në Shqipëri sot shënohet Dita e Verës, ku në qytetet e vendit janë organizuar ceremoni dhe aktivitete të ndryshme.
Festimet dhe aktivitetet kryesore janë organizuar në Tiranë dhe Elbasan, me pjesëmarrjen e qytetarëve, artistëve dhe përfaqësueseve të institucioneve.
Me mbështetjen e Bashkisë së Tiranës dhe institucioneve të tjera në kryeqytet janë organizuar koncerte, panaire, ekspozita dhe aktivitete zbavitëse për fëmijët.
Pjesë e aktiviteteve në Tiranë ishte edhe ekspozita e mjeteve historike “Retro”, ku qytetarët janë njohur nga afër me automjetet e vjetra historike.
Në Bulevardin “Dëshmorët e Kombit” në kryeqytet është organizuar panairi i produkteve artizanale shqiptare, duke mbledhur së bashku dhjetëra artizanë nga qytete të ndryshme të Shqipërisë.
Aktivitete të ndryshme janë organizuar edhe në qytetin e Elbasanit dhe në qytete të tjera të Shqipërisë, ndërkohë që ëmbëlsira tradicionale e kësaj festë është ballokumja.
Me rastin e Ditës së Verës kanë përcjellë mesazhet e tyre zyrtarët e lartë të Shqipërisë, si presidenti Bajram Begaj, kryeministri Edi Rama dhe zyrtarë të tjerë.
Dita e Verës, një festë zyrtare në Shqipëri, është festë që ka origjinën nga qyteti i Elbasanit dhe simbolizon fundin e dimrit dhe ardhjen e pranverës.
Shqipëria shënon Ditën e Verës
Legjenda e Ditës së Verës
Dita e Verës është në një traditat më të vjetra të Elbasanit. Origjina e festës i ka gjurmët në tempullin e Zanës së Malit të ndërtuar pranë lumit Shkumbin në Elbasan. Zana ishte perëndia e gjuetisë, pyjeve dhe natyrës dhe dilte vetëm në datën 14 Mars, e cila shënonte fillimin e Verës, kjo në atë kohë njiheshin vetëm dy stinë, dimri dhe vera.
Kjo legjendë u kalua brez pas brezi dhe festivali i Ditës së Verës është i njohur për traditën dhe vlerat e veçanta kulturore. Simboli i kësaj feste është ballokumja. Për këtë ditë te veçantë çdo familje ka recetën e saj të ruajtur ndër vite. Më parë festohej në Elbasan, tani është bërë festë kombëtare.
